دورة سنة 3 لدخول المسشفى، للأولاد فقط

السلام عليكم ورحمة الله وبركاته
كيف حالكم إن شاء الله طيبين ومبسوطين في الإجازة
معليش انقطعنا عنكم فترة صغيرة، ودحين رجعنالكم ونحتاج منكم متطوعين
كل سنة طلاب 4و5و6 و7 يسووا دورة لطلاب سنة 3 اللي طالعين 4
يعني كيف حيتعاملو مع المستشفى وطريقة الدراسة والعملي و كل شي
طبعا أغلبكم حيقول إحنا إيش دخلنا في الموضوع دا
أنا أقلكم

زي ما لاحظتو في أكتر من دفعة مشاركة في هذي الدورة
وكلنا في الأخير دفعة واحدة كبييييييييييرة
وكل سنة طلاب سنة 2 بيكون لهم دور بسيط وصغير ولكن مهم جدا
طبعا ما حنشرحلهم شي، كلها أمور تنظيمية

وقت الدورة حيكون من 9 شوال إلى 14 شوال
أسبوع واحد فقط
من 9 صباحا إلى 2 ظهرا
نخلص يوم الأربعاء، الجامعة يوم السبت
بس حتستفيدو من الدورة دي أكثر من شي، أولا النوم حيتعدل، ثانيا حتاخدو خبرة في الأمور التنظيمية، وتكوين علاقات مع الدفعات اللي أكبر مننا ودا شي مرة مهم

ندخل في التفاصيل (بس مو مرة يعني)، المطلوب مننا
نحتاج حوالي 20 طالب، شغلتهم واحدة من اثنين
إما: تسجيل
أو: تنظيم

أولا: التسجيل
نحتاج تقريبا 5 لهذي المهمة، هادول شغلتهم صعبة شوية، لأن شغلهم يبدأ على الفور، حيفكرو في طريقة للإعلان عن الدورة، والرسائل طبعا متوفرة، وبعدين يفكروا في طريقة مريحة لهم إنهم ياخدو بيانات الطلاب اللي مشاركين في الدورة، سواء إضافة أرقام جوال أو موقع مثل الفيس بوك أو إيميل، أيا كانت الطرق أو الطريقة لأخد أسماء الطلاب وأرقامهم الجامعية وإيميلاتهم، وبعدين إدخالها على قاعدة بيانات أو حفظها على ملف وتقديمها للمنظمين الكبار، كدا المهمة الأصعب انتهت، مهمتهم الثانية تتلخص في طباعة الأسماء على الشهادات وكدا، يعني شغلهم كلو في المبنى الذي لم يحدد بعد

ثانيا: التنظيم
البقية اللي هما تقريبا 15 حينظمو الطلاب، يعني كل واحد حيكون مسؤول (ليدر) عن مجموعة مكونة من 10 أو 15، يرتبهم يوديهم المكان المتفق عليه، تنظيم وقت البريك عشان الأكل، لو أحد من المنظمين اللي أكبر أحتاج شي ممكن يوفر الشي دا، طبعا طريقة كل شي بالتفصيل راح يعرفوها الطلاب اللي حيسجلوا أساميهم في الدورة، حيكون في اجتماع بين كل المنظمين وتعرفوا المهمام بالتفصيل

هدا تقريبا كل شيء، للتفاصيل الاتصال على رقمي، طبعا ما ينفع أكتبو هنا
أو إرسال الرسائل على على إيميلي: majestic_2005@hotmail.com

أما اللي يبغى يشارك، برضو نفس الشي، الجوال والإيميل
بس أهم شي
إنو آخر موعد للتسجيل في الدورة هو يوم غد الساعة 8:30 مساء
يعني مافي غير 23 ساعة تفكرو فيها
بالتوفيق للجميع وإجازة سعيدة
حسام درويش