السلام عليكم ورحمة الله وبركاته
مرحبا يابنوتات كيفكم وكيف الاجازة معاكم
المهم ياحلوين كثرت علينا الاتصالات انو في بنات يبغوا يراجعوا درجاتهم
بالنسبة لمراجعة اوراق الاختبار هذا صعب شويا لانو كل الاوراق صارت عند الكوردينيتور
واصلا اغلب الاخطاء تكون في رصد الدرجات
يعني مثلا تكون جايبة 90 ويحطولها في الاودس 80
فأي وحدة حابة تتاكد من رصد درجة عندها شاكة فيها
تروح تراجع مبنى 4 مكاتب الشؤون الي عاليسار
وان شاء الله هناك يراجعولها الدرجة ويتأكدوا
وهما متواجدين بأوقات الدوام
ولكن بخصوص سستم الكارديو هذا حالته غير عشان الاستاذة الي مسؤولة عنه مو متواجدة هذي اليومين في الجامعة
فقالت لي اي بنت تبغى تراجع درجة الكارديو تعطيني اسمها وانا اعطيها الأسماء وهي تتاكد منها
فأي بنت تبغى تتأكد من درجة الكارديو ترسلي اسمها ضروري دحين
لكن اي سستم ثاني تقدروا تروحوا الجامعة عادي وتتاكدوا =)